Meld tapt og funnen fiskereiskap
Når du rapporterer om tapt og funnen reiskap i fritidsfiskeappen, bidrar du til å auke kunnskapen om mengde, årsak og geografisk fordeling. Dette vil igjen kunne bidra til at det kan utviklast løysingar og settast i verk tiltak som kan redusere spøkelsefiske og marin forsøpling.
Ny app for fritidsfiske
Meld tapt og funnen reiskap i vår nye fritidsfiskeapp. Den nye appen er ei vidareutvikling av den gamle fritidsfiskeappen. Du kan laste ned ny app ved å søke på «fritidsfiskeappen» i App Store eller Google Play.
Dette kan du gjere i appen:
- melde tapt og funnen reiskap ved hjelp av kart
- få oversikt over tapt og funnen reiskap, som er meldt inn av andre
- lese om og sjå bilde av over 60 artar og finne ut om dei er freda eller har minstemål
- lese om reglane for reiskap og ferdsel på sjøen
- melde om bifangst av sjøpattedyr
Den gamle fritidsfiskeappen går ut
Den gamle fritidsfiskeappen er ikkje lenger aktiv og alle må laste ned ny fritidsfiskeapp.
Hugs å slette gammel app frå din mobil.
Merk deg at:
- tapt og funnen reiskap som no blir rapportert i gammal app ikkje er tilgjengeleg
- nye reglar blir ikkje oppdaterte i den gamle fritidsfiskeappen
- i den nye fritidsfiskeappen må alle opprette ny brukar
- reiskap og andre data frå den gamle appen må registrast på nytt i ny fritidsfiskeapp
Spørsmål og tilbakemeldingar
Når du sender spørsmål og tilbakemeldingar treng vi ei kort og detaljert beskriving.
I tillegg ber vi om følgande detaljar:
1. Kva mobiltype og versjon du har?
For eksempel: iPhone 8+ eller Samsung Galaxy S20
2. Skjermdump/bilde av utfordringar du opplever i app
Alle spørsmål og tilbakemeldingar sender du til info@fiskeridir.no
Film om å melde tapte fiskereiskap
Yrkesfiskarar melder tapte reiskapar til Kystvaktsentralen
Fiskeridirektoratet har drive oppreinsking av tapte fiskereiskapar på dei viktigaste fiskefelta langs kysten i 30 år. Gjennom dette arbeidet er det tatt opp vesentlege mengder med ulike reiskapar.
Yrkesfiskarar pliktar å sokne etter tapte fiskereiskapar. Dersom dette ikkje lykkast skal tapet meldast til Kystvaktsentralen (telefonnummer: 07611).