Fiske etter leppefisk for fritidsfiskarar

Fritidsfiskarar må ha leveringsavtale for å kunne søke om å drive fiske etter leppefisk.

Den som vil fiske leppefisk med båtar som ikkje er merkeregistrerte, må ha særskilt løyve frå Fiskeridirektoratet før fartøyet starter opp med å fiske etter leppefisk.

For å få slikt løyve må fiskaren ha leveringsavtale med godkjent kjøpar og båten må vere registrert i Småbåtregisteret hos Redningsselskapet  eller i Skipsregistrene.

Kopi av leveringsavtalen må leggjaset ved søknaden om løyve. Dersom båten er registrert i Småbåtregisteret, må fiskaren óg leggje ved dokumentasjon på betalt årsavgift i Småbåtregisteret.

Teiner og ruser

Det er forbode for fritidsfiskarar å fiske leppefisk med ruser.

Du kan bruke inntil 20 teiner per person og per fartøy. Det betyr at dersom fleire personar fiskar frå same båt, eller dersom éin person fiskar med fleire båtar, kan du uansett ikkje bruke meir enn 20 teiner.

Reglane for bruk av teiner; antal, røkting, merking og krav til fluktopning og rømmningshol

Reglane for bruk av ruser; antal, geografiske område, røkting og merking

Sal av fangst

All omsetning av fisk og skaldyr skal skje gjennom eit salslag eller ein godkjent kjøpar. Fritidsfiskarar kan maksimalt omsette for 50 000 kroner per år.

Reglane for sal av fangst

Oppdatert: 23.02.2021