Monteringsrettleiing for rømmingshol i kongekrabbeteiner

Alle teiner som benyttes til fangst av kongekrabbe skal ha rømmingshull som holdes lukket av bomullstråd.

Bomullstråden og monteringa av denne må oppfylle desse krava:

• Bomullstråden skal ikkje vere tjukkare enn 3 mm i diameter. Ved fiske med merkeregistrert fartøy kan bomullstråden likevel vere inntil 4 mm.
• Bomullstråden skal vere ubehandla og utan kjerne.
• Bomullstråden skal vere enkel.
• Monteringa skal gjerast slik at det er fri utgang når bomullstråden ryker.

I nedre kant av teina (eventuelt like over fluktopningane) skal det skjerast eit horisontalt hol i notlinet. Opninga på holet skal vere stor nok til at ein sylinder med minst 30 cm i diameter kan førast gjennom. Holet skal deretter snørast saman med enkel bomullstråd. Bomullstråden skal berre knytast i endane, slik at når tråden ryk, vil heile holet opne seg.

For å redusere presset på bomullstråden (frå vekta av fangsten) når teina vert henta opp og teken om bord, blir det tilrådd å montere rømmingsholet på den sida av teina der løftestroppane peikar (trekkeretning), sjå figur 1. Alternativt kan rømmingsholet lagast på ei av tverrsidene (inngangssidene), sjå figur 2.

Figur 1

Figur 2

Teiner med samanleggbar eller stiv ramme

For andre typar teiner med samanleggbar eller stiv (rigid) ramme kledd med notlin, skal bomullstråden monterast tilsvarande som i førre beskriving. For teiner med stiv ramme og notlin gjeld det likevel ikkje noko krav om at holet skal vere horisontalt.

Teiner laga av andre materiale

I teiner laga av andre materiale (til dømes netting) skal det skjerast eit hol i nedre del av teina. Holet kan vere firkanta eller rundt, men opninga må vere stor nok til at ein sylinder med minst 30 cm i diameter kan førast gjennom. Opninga skal dekkjast av ei luke (i stive materiale kan det nyttast ei utskoren luke), som festast til teina med bomullstråd. I eitt av festepunkta skal det brukast tråd av kunstfiber for å sikre at luka vert hengjande fast i teina etter at rømmingsholet har opna seg.

For å redusere presset på bomullstråden (frå vekta av fangsten) når teina vert henta opp og teken om bord, blir det tilrådd å montere rømmingsholet på den sida av teina som løftestroppane peikar mot (trekkretninga).