Veiledning for innføring av ERS og VMS

Her finn du det du treng for å registrere kjenningssignal, installere ERS og VMS. 

Kystfiskeappen vert lagt ned og erstatta av ERS og VMS

Frå 1. januar 2026 skal alle fiskefartøy frå og med 8 meter følgje krav om elektronisk rapportering av fangst-, aktivitets- og posisjonsrapportering (ERS og VMS).

I tillegg skal dei som tidlegare nytta Kystfiskeappen no bruke ERS og VMS, uavhengig av fartøystørrelse.

Kven gjeld dei nye krava for?

Krava gjeld for alle norske fiske- og fangstfartøy frå og med 8 meter største lengde, uavhengig av kvar dei oppheld seg.

Krava gjeld også for fartøy uavhengig av størrelse som

  • oppheld seg i farvatn utanfor nokon stats jurisdiksjon
  • utfører haustingsaktivitet i britisk sone
  • er gjeve dispensasjon etter landingsforskrifta § 5 sjette ledd, § 5a fyste ledd, eller § 8 fjerde ledd (lovdata.no)
  • har dispensasjon frå ein salsorganisasjon til å drive kaisal
  • driver fangst av kongekrabbe
  • driver fangst av skjell
  • utfører haustingsaktivitet i fiskevernsona ved Svalbard
  • deltar i samfiske
  • deltar i kvotesamarbeid
  • driver fiske etter leppefisk
  • haustar tare
  • driver trålfiske etter reker utan reketråltillatelse i område utanfor 12 nautiske mil frå grunnlinjene
  • driver trålfiske etter reker utan reketråltillatelse, utanfor 4 nautiske mil frå grunnlinjene i Skagerrak, avgrensa mot vest av ein rett linje gjennom Lindesnes fyr og Hanstholm fyr og mot sør av ein rett linje gjennom Skagen fyr og Tistlarna fyr
  • har tråltillatelse gitt i medhald av konsesjonsforskrifta (lovdata.no)

Tre ting du må gjere for å vere klar til fiske 1. januar 2026

1. Du må kontrollere at fartøyet ditt har kjenningssignal (radiokallesignal)

Vi oppmodar om at dette vert gjort så snart du kan, då saksbehandlinga med etterregistrering av kjenningssignal kan ta nok tid.

2. Du må velje ein leverandør for posisjonsrapportering (VMS)

3. Du må velje ein leverandør for rapportering av haustingaktivitet (ERS)
  • Du må sjølv bestille og aktivere abonnement for ERS, sjå oversikt over ERS-leverandørar.
  • Manglar du nødvendig utstyr, må du også bestille dette.
  • For ERS, treng du ikkje ein godkjend installatør, men du må teste om det fungerar før du kastar loss.
  • Send minst to elektroniske testmeldingar for ERS, og kontroller at du mottek returmelding (ACK) frå Fiskeridirektoratet som stadfestar godkjenning.

Ofte stilte spørsmål

Sjå oversikt over avklaringar om rapportering og sporing

Kva meldingar skal sendast?

Fartøyeigar og ansvarshavande om bord må sørge for at nødvendig utstyr er installert og aktivert, og gjere seg kjend med kva meldingar og tidsfristar som gjeld. For fartøy under 11 meter gjeld det i hovudsak krav om å sende melding om hamneanløp (POR-melding). 

I ERS-forskrifta, paragraf 13 (lovdata.no) kan du sjå kva POR-meldinga skal innehalde, og kva tidsfristar som gjeld. 

Krav om rapportering av haustingsaktivitet gjeld for alle fartøy som er omfatta av ERS-forskrifta. Dette inneber at dersom fartøyet er omfatta av forskrifta, skal all haustingsaktivitet rapporterast gjennom heile kalenderåret. Krav om VMS inneber at fartøyet skal sende posisjonsmelding kvar dag gjennom heile kalenderåret. 

Gjer deg kjend med nettsida og ERS-forskrifta

Oversikt og forklaringar om rapporteringskrava finn du på Fiskeridirektoratet si heimeside. 

Fiskeridirektoratet kan ikkje gje råd om kva leverandør du bør velje, og oppmodar deg om å undersøkje dei ulike alternativa.

Sjå Rapportering på havet for meir informasjon. 

ERS-forskriften (lovdata.no)

Tilskot

Nærings- og fiskeridepartementet (NFD) har etablert ein ordning med tilskot til rapporteringsutstyr for fiskeflåten (garantikassen.no).

Les meir