Regelverk for fisket etter leppefisk

Fiske etter leppefisk føregår i tre geografiske område: Sørlandet, Vestlandet og nord for 62°N. Det er i all hovudsak artane bergnebb og grøngylt som blir fiska.

Leveringsavtalen med godkjent kjøpar må føreligge før fartøyet startar opp fisket etter leppefisk. Leveringsavtalen skal framvisast ved kontroll eller på førespurnad frå Fiskeridirektoratet, Kystvakta eller fiskesalslaga.

Fartøykvote i lukka gruppe er på 50 000 leppefisk per fartøy.

Fartøy som deltek i lukka gruppe må innan 23. oktober kl. 20:00 ha tømt alle innretningar for mellomlagring av leppefisk, og levert leppefisken til kjøpar.

Maksimalkvotar i ope gruppe er på 10 000 leppefisk per fartøy.

Fartøy som deltek i ope gruppe, fritidsfiske eller fiske under ungdomsfiskeordninga må ha tømt alle innretningar for mellomlagring av leppefisk, og levert leppefisken til kjøpar innan 23. oktober kl. 20:00, eller innan 72 timer frå ein stopp i fisket.

For deltaking i ope gruppe gjeld alminnelege vilkår. Det er blant anna vilkår som at

• eigar sjølv er høvedsmann om bord i fartøyet, med mindre det er gitt dispensasjon i samsvar med alminnelege reglar
• fartøyeigar kan delta med eitt fartøy i ope gruppe
• fartøyeigar som deltar med fartøy i lukka gruppe kan ikkje også delta med fartøy i ope gruppe.

For gruppa som deltek som fritidsfiskarar, kan du sjå eiga side med informasjon eigna spesielt for fritidsfiske av leppefisk.

Teiner

På kyststrekninga frå og med

• Sverige til og med Agder kan ein ha 100 teiner eller ruser per fartøyeigar.
• Rogaland og nordover kan ein ha 400 teiner og ruser per fartøyeigar.

Det er framleis krav om inngangssperre i reiskapen for å redusere bifangst av andre artar enn leppefisk, sjølv om fiskar er pålagt å straks sleppe all bifangst tilbake i sjøen.

Ruser

Frå grensa mot Sverige til og med Møre og Romsdal fylke, er det forbod mot å setje ut ruser for fangst av leppefisk.

Det er ikkje tillate å behalde bifangst i teiner eller ruser som er sett ut til fangst av leppefisk. Dette gjeld også bifangst av krabbe.

All bifangst skal straks tilbake i sjøen på ein slik måte at den ikkje vert skadd, og at den finn tilbake til sitt naturlege miljø. Denne ordninga gjeld også leppefisk fanga i strid med gjeldande minstemål eller som av andre grunnar må setjast tilbake i sjøen.

Frå 1. januar 2026 skal alle fiskefartøy som tidlegare har nytta Kystfiskeappen følgje krav om elektronisk rapportering av fangst-, aktivitets- og posisjonsdata (ERS og VMS), uavhengig av fartøystørrelse.

Veiledning for innføring av ERS og VMS

Posisjonen til mellomlagringsmerder og andre innretningar for å lagre leppefisk i sjø skal innrapporterast elektronisk på eige skjema på Barentswatch.no.

Rapportering for fritidsfiskarar og ungdomsfiskarar (barentswatch.no)

Framgangsmåte for inn- og utmelding for fritidsfiskarar og ungdomsfiskarar (barentswatch.no)

Rapportering av reiskap for yrkesfiskarar (barentswatch.no)

Posisjon skal oppgjevast ved bruk av lengde- og breiddegrader. Den som fiskar etter leppefisk og mellomlagrar fisken i sjøen før levering til kjøpar, skal rapportere talet på merder og posisjonen når merdene blir tatt i bruk, når dei eventuelt blir flytta og når dei blir tatt opp eller ikkje lenger nyttast til mellomlagring av leppefisk.