Gebyr og avgifter for yrkesfiskarar
Her finn du oversikt over kva gebyr og avgifter du som yrkesfiskar må betale.
1. Løyve til erverv og andre søknader
Du må betale gebyr når du søkjer om løyve til erverv, utskifting av fartøy, tildeling av særskild løyve (konsesjon) og årleg deltakartilhøve.
Du må også betale gebyr når du søkjer om spesielle kvoteordningar for kystfiske- og havfiskeflåten i medhald av havressurslova § 14 (lovdata.no), om unntak frå kondemneringskravet og om leigefartøy.
Korleis betaler du
Du må betale gebyret og sende kopi av kvitteringa til postmottak@fiskeridir.no før vi kan behandle søknaden.
Du betaler til:
- Kontonummer: 7694.05.09048
- Adresse; Fiskeridirektoratet, Seksjon budsjett og virksomhetsstyring, Postboks 185 Sentrum, 5804 BERGEN
NB! Namn og adresse til betalar og fartøyeigar må oppgis ved betaling.
Du må opplyse følgjande betalingsopplysningar i meldingsfeltet:
- Kva betalinga gjeld, t.d.: Ervervsgebyr, «fartøynavn»
- Radiokallesignal til fartøyet: 4 bokstavar eller 2 bokstavar + 4 tal
Det er tilstrekkeleg å oppgi det som er angitt i kursiv, til dømes slik: Ervervsgebyr, «Havhest», LLLL
Ved søknad om løyve til å skifte ut fartøy, må du også oppgi fartøynamn og kallesignal på fartøyet som skal skiftast ut.
Gebyrsatsane
| Type søknad | Kroner |
|---|---|
| Løyve til erverv, også eigarskifte, for fartøy på eller over 15 meter største lengd med særskild løyve | 25 060 |
| Løyve til erverv, også eigarskifte, for fartøy på eller over 15 meter største lengd, utan særskild løyve | 12 530 |
| Løyve til erverv, også eigarskifte, for fartøy under 15 meter med særskild løyve og/eller med årleg deltakartilhøve | 6 265 |
| Løyve til erverv, også eigarskifte, for fartøy under 15 meter utan særskild løyve eller årleg deltakartilhøve | 1 960 |
| Førehandstilsagn om utskiftingsløyve | 6 265 |
| Tildeling av særskild løyve | 6 265 |
| Årleg deltakartilhøve | 6 265 |
| Spesielle kvoteordningar for kystfiske- og havfiskeflåten i medhald av havressurslova § 14 | 6 265 |
| Løyve til å nytte leigefartøy | 6 265 |
2. Merkeregisteret – innmeldingsgebyr
Du må betale gebyr når fartøyet ditt blir ført inn i Fiskeridirektoratet sitt register over merkepliktige norske fiskefartøy (merkeregisteret).
Korleis betaler du
Faktura blir sendt ut når du har sendt inn skjema for innmelding i merkeregisteret. Fakturaen blir send av Statens innkrevingssentral.
Gebyrsatsane
| Lengda på fartøyet | Kroner |
|---|---|
| 0–14,99 meter største lengd | 1 045 |
| 15–27,99 meter største lengd | 4 180 |
| 28 meter største lengd og over | 6 265 |
3. Merkeregisteret – årleg avgift
Dersom du eig fartøy som er registrert i Fiskeridirektoratet sitt register over merkepliktige norske fiskefartøy (merkeregisteret), må du betale ei årleg avgift for kvart fartøy du eig.
Dersom du er registrert som eigar per 1. januar, er du ansvarleg for innbetalinga, uavhengig av seinare eigarskifte.
Du får tilsendt faktura rundt 15. februar kvart år, og avgifta må vere betalt innan 15. mars.
Korleis betaler du
Du får tilsendt faktura frå Statens innkrevingssentral.
Du skal kontakte Statens Innkrevingssentral dersom:
- det er feil namn, adresse eller beløp i fakturaen
- fakturaen allereie er betalt
- du ønskjer betalingsutsetjing
Avgiftssatsane
| Lengda på fartøyet | Kroner |
|---|---|
| 0–14,99 meter største lengd | 625 |
| 15–27,99 meter største lengd | 1 250 |
| 28 meter største lengd og over | 1 750 |
4. Avgift på viltlevande marine ressursar
Fiskesalslaga må betale avgift på viltlevande marine ressursar som er hausta av norskregistrerte fartøy, og som er omsette i første hand i samsvar med fiskesalslagslova.
Fiskesalslaga må registrere seg som avgiftspliktig verksemd hos Skatteetaten. Avgifta er regulert av særavgiftsforskrifta (lovdata.no).
Du finn informasjon om avgifta på sidene til Skatteetaten (skatteetaten.no).