Send oss driftsplan for 2026 og 2027

Krav til godkjend driftsplan

Akvakulturanlegg i sjøvatn for matfisk og stamfisk har krav om å ha ein godkjend driftsplan, jamfør akvakulturdriftsforskrifta § 40 (lovdata). Kravet gjeld ved oppdrett av laks, aure, regnbogeaure og torsk.

Rettleiing for innsending av driftsplan og krav til søknaden

Søknadsskjemaet finn du her: Driftsplan for akvakultur i sjø | Fiskeridirektoratet

Om det er manglar ved søknaden, vil vi krevje ein ny og korrigert søknad. Vi kan ikkje handsame søknaden før han er komplett og skjemaet er korrekt utfylt, og først då kan vi sende søknaden vidare til handsaming i Mattilsynet.

Litt enklare enn før

Søknadsprosessen skal forenklast. Som eit første steg mot ein enklare driftsplansøknad har vi gjort to endringar:

• Miljøovervaking. Det ligg framleis datofelt for planlagde B- og C-undersøkingar i driftsplanskjemaet, men du treng ikkje å fylle ut desse felta.
• Reinsefisk. Du treng ikkje lenger å spesifisere utsett av ulike artar reinsefisk. No kan du velje samnemninga «Rensefisk (blandet)» i søknadsskjemaet.

Om du er usikker på noko, ta kontakt med Fiskeridirektoratets sentralbord på tlf. 55 23 80 00 og spør etter seksjon for akvakulturtilsyn og veiledning.