Kveita er freda sør for 62 °N
Hugs at du ikkje kan fiske kveite sør for 62 °N. Dette gjeld heile året.
For kveite gjeld også minstemål, -vekt og utkastpåbod.
Får du kveite som er over 84 cm som veg under 7,2 kg, skal ho sleppast ut att.
Det same gjeld dersom kveita er over 7,2 kg, men under 84 cm i lengd.
Minstemålet i vekt for kveite gjeld for fisk som skal omsetjast.
For fritidsfiskarar som fiskar kveite til eige bruk, er det tilstrekkeleg å halde seg til minstemålet i lengd, som er 84 cm. Det er altså ikkje nødvendig å vege kveita dersom ho ikkje skal omsetjast.
Slepp ut att større kveite
På grunn av høgt innhald av potensielt farlege framandstoff er det påbode å sleppe all kveite over 2 meter, eller kveite utan hovud over 1,6 meter, ut att i sjøen. Kveite utan hovud over 1,6 meter skal målast som kortaste avstand frå sporden til gjellebogen framfor brystfinna.
Påbodet gjeld i alle norske farvatn og for alle fiskarar (yrkesfiskarar, fritidsfiskarar og turistfiskarar) uavhengig av reiskap og område.
Det omfattar all kveite over 2 meter eller 1,6 meter utan hovud, uavhengig av om ho er levedyktig, daud eller døyande.
Publisert: