Kva skjer med reiskapen vi finn?

På opprenskingstokt tek vi årleg opp store mengder tapt reiskap. Tilstand og mogleg eigaridentitet avgjer korleis reiskapen blir håndtert vidare.

Fiskeridirektoratets involvering

Fiskeridirektoratet er involvert i både nasjonale og internasjonale prosjekt der målet er å auke gjenbruk og gjenvinning av fiskereiskap.

Prioritert rekkefølge

Reiskapen som tas opp blir handtert etter følgande prioriteringsrekkefølge:

1. Leverast tilbake til eigar

Dersom fiskaren har gjort eigne gjenfinningsforsøk, og reiskapen

  • er meldt tapt,

  • ikkje er brukt til ulovleg fiske,

  • er identifisert med eigar,

  • og det er praktisk mogleg,

kan reiskapen leverast tilbake til eigaren.

2. Overlatast til andre

Ved opprydding etter fritidsfiske er det for vanskeleg og tidkrevjande å levere reiskapen tilbake til eigaren. Difor kan funksjonelle reiskapar òg overlatast til skular, verna verksemder og liknande.

3. Gjenvinnast

Mengda fiskereiskapar som blir leverte tilbake til eigaren etter hovudtoktet, har auka betydeleg dei siste åra. Delen reiskapar og typar reiskapar som er eigna for gjenvinning, og som har tilfredsstillande reinleik, er difor blitt klart mindre. Dette, saman med sterkt auka kostnader til gjenvinning, gjer at denne løysinga framstår som mindre relevant.

Produkt av metall blir leverte til gjenvinning gjennom ulike samarbeidspartnarar.

4. Deponerast

Reiskapar det ikkje finst andre løysingar for, eller som er tilgrisa av begroing, blir leverte til deponi gjennom godkjent avfallsmottak.

Les meir