Rømt torsk i Voldsfjorden i Møre og Romsdal
Sunnmøre Torsk AS har meldt om rømming ved eitt av sine anlegg i Voldsfjorden.
Selskapet rapporterte måndag om hol i not i to merder på lokaliteten Alida i Voldsfjorden på Sunnmøre. Skadene blei oppdaga ved notinspeksjon etter tips om fanga rømt oppdrettstorsk i området.
Omfanget av rømminga er ikkje klarlagt. Storleiken på fisken i dei aktuelle merdene er på om lag 5-600 gram. Fiskeridirektoratet fylgjer opp saka.
Fiskeridirektoratet ønskjer tips i digitalt tipssystem
Personar som ønskjer å melde inn tips om fangst av oppdrettsfisk i området, kan gjere det her: Tips Fiskeridirektoratet.
Legg gjerne ved bilde av fisken.
Tips vil vere til hjelp for vår vurdering av omfang og spreiing på den rømte torsken.