Rømmingshending i Stolsfjorden i Agder
Mowi AS har meldt om ei rømmingshending ved eit av sine anlegg i Stolsfjorden i Agder.
Selskapet rapporterte tysdag om ein større skade i ei not på lokaliteten Pinnen utanfor Flekkefjord. Notskaden hadde oppstått i samband med ein avlusingsoperasjon.
Omfanget av rømminga er ikkje klarlagt. Den aktuelle nota har oppdrettslaks med storleik på ca 3 kg.
Fiskeridirektoratet vil følgje opp saka.
Vi ønskjer tips
Personar som ønskjer å melde inn tips om fangst av oppdrettslaks i området, kan gjere det her: Tips Fiskeridirektoratet
Legg gjerne ved bilde av fisken.
Tipsene vil vere til hjelp for vår vurdering av omfang og spreiing av oppdrettslaksen