Fiskeridirektoratet på Aqua Nor

Årets oppdrettsmesse vil bli prega av koronasituasjonen og krav til smittevern.

– Det betyr at vi har litt mindre aktivitet på standen i år enn vi elles ville hatt. Mellom anna har vi valt å kutte ut vår populære suppeservering fordi vi er redd det i verste fall kunne ført til høgare risiko for smittespreiing. Men vi satsar på at mange vil besøke oss på stand A-121 i den nye hallen likevel, seier Aase.

Dialogmøte om rømming

På opningsdagen, tysdag 24. august, arrangerer Forum for rømmingsikkerhet (Fiskeridirektoratet og organisasjonar i oppdrettsnæringa) eit dialogmøte med rømming og sikkerheit som tema. Møtet er spesielt retta mot leiarar i oppdrettsbransjen og målet er å få etablert ein god sikkerheitskultur mot rømming i næringa.

– Oppdrettarane og tilsynsmyndigheitene har i fleire år arbeidt intensivt for å redusere rømming, men det er viktig å halde trykket oppe for at vi skal ha endå mindre rømming. Vi inviterer derfor til eit dialogmøte i samband med Aqua Nor, seier direktør Øyvind Lie i Kyst- og havbruksavdelinga i Fiskeridirektoratet.

Dialogmøtet vil mellom anna ha biomasseteljing, risikostyring, sporbarheit og nytt regelverk som tema. Det er avgrensa antal plassar, og når faste plassar er fylt opp er det førstemann til mølla-prinsippet som gjeld. Møtet er tysdag 24. august klokka 15:00 til 16:30 på møterom K-340 på messeområdet.

Har du spørsmål, kan du kontakte:

Om Fiskeridirektoratet på Aqua Nor, Olav Lekve

Om rømmingsseminaret, Mette Remø

Kven møter du på messa

I tabellen under kan besøkande finne ut kven som står på stand til ei kvar tid og det er råd å avtale kjappe møter med leiarar og sakshandsamarar i løpet av dei fire dagane messa varar.

– Vi ser fram til å møte brukarane og andre interesserte 24. til 27. august i Trondheim, seier Aase.

For at du skal vite kva den enkelte som står på Fiskeridirektoratets stand arbeider med er det satt på kode for seksjon og region.

I tillegg til dei du finn i tabellen under, vil du kunne møte direktør Øyvind Lie ved Kyst- og havbruksavdelinga, prosjektledar for «Min side» Hildegunn Strømmen og kommunikasjonsdirektør Anette Aase.

• A = Arealseksjonen ved Kyst- og havbruksavdelinga (KH)
• T = Tildelingsseksjonen ved KH
• Tmi = Tilsyns- og miljøseksjonen ved KH
• TU = Tilsynsutviklingsseksjonen ved KH
• N = Havbruksseksjonen i Fiskeridirektoratet region Nord
• M = Havbruksseksjonen i region Midt
• S = Forvaltningsseksjonen i region Sør
• V = Kyst- og havbruksseksjonen i region Vest