Русский
EnglishLeiter framleis etter lodda
Eit av Havforskingsinstituttet sine leitefartøy har i dag registrert lodde søraust for Bjørnøya. Det er for tidleg å konkludere med om dette er fangstbare funn.
Eit av fartøya som er leigd inn av Fiskeridirektoratet vil i løpet av helga leite nærare i gjeldande område.
– På oppdrag av Fiskeridirektoratet har Møgsterfjord og Brennholm vært på leiting etter lodde i Barentshavet sidan forrige laurdag. I hovudsak har begge fartøya leita i den austlege delen av NØS (sør for 74 grader N), og så langt er det ikkje registrert fangstbare førekomstar av lodde, fortel Robert Misund i ved Utviklingsseksjonen i Fiskeridirektoratet.
Havforskingsinstituttet har også engasjert fartøya Eros og Libas for å måle gyteinnsiget av lodde i Barentshavet. Etter det Fiskeridirektoratet kjenner til har så langt heller ikkje disse fartøya funnet fangstbare førekomstar av lodde.