Seljakt på Internett

Illustrasjonsfoto: © Havforskningsinstituttet.

Fiskeridirektoratet vert jamleg kontakta per telefon og e-post av jegerar med spørsmål om kor mange dyr som er att av totalkvoten. No vert denne informasjonen gjort tilgjengeleg på Fiskeridirektoratet sine internettsider.

Webjørn Svendsen i Norges Jeger- og Fiskerforbund er ein av dei som har sakna denne informasjonen på Internett, og er glad for at ordninga no er på plass.

– Dette trur eg mange jegerar vil sjå nytten av. Å ha informasjonen tilgjengeleg på Fiskeridirektoratet sine nettsider vil mellom anna gjere planlegginga enklare i samband med jakta. Eg ser at faren for å skyte dyr utover kvoten blir redusert med betre tilgang til informasjon. Eg tenkjer då spesielt på steinkobbe, der kvotene i stor grad vert tekne, seier Svendsen.

Kan ringe
Jegerane har framleis mogelegheit til å ringe Fiskeridirektoratet dersom dei ikkje har tilgang til Internett heime eller i jaktområdet.

Telefonnummer til regionane for oppdatert oversikt over skotne dyr:

Region Finnmark:
Oddvar Nilsen, 468 21 662

Region Troms:
Ernst Bolle, 906 88 044

Region Nordland:
Jan Bjarne Eilertsen, 901 31 019

Region Trøndelag:
Roger Stefanussen, 992 50 810

Region Møre og Romsdal:
Tove Lange, 469 09 152

Region Vest:
Karine Smelror, 911 87 128
Linda Larsen, 915 64 584

Region Sør:
Margrethe Høiby, 962 29 257