Русский
EnglishTrekking av distriktskvotar
I dag gjennomfører Fiskeridirektoratet trekking av dei som skal få tildelt kvotar gjennom distriktskvoteordninga. Liste over dei som får tildelt kvotar blir offentleggjort på torsdag.
Trekking i Nordland (frå venstre): Håvard Dekkerhus, politibetjent fra Salten politidistrikt, Ole Vangen og Per Sagen. (Foto: © Fiskeridirektoratet)
20. oktober var frist for å søkje om distriktskvote. Distriktskvoteordninga er ei prøveordning som er oppretta for å tilføre råstoff til fiskeindustribedrifter i definerte distrikt i Nordland, Troms og Finnmark.
Talet på søkjarar er høgt, og det ser ut til at mange har søkt om kvote i alle dei tre regionane.
- Region Nordland har motteke 137 søknader på 93 kvoteeiningar
- Region Troms har motteke 100 søknader på 39 kvoteeiningar
- Region Finnmark har motteke 107 søknader på 54 kvoteeiningar
Distriktskvoten, i alt 3 484 tonn, vert tildelt som torskekvote. Kvotane vert tildelt det enkelte fartøy.