Godt miljø i undersøkte vassområde

Åtte vassområde i Noreg er kartlagt. Dei fleste vassførekomstane i desse områda har god miljøtilstand.

Vassområda omfattar mange hundre elver, bekkar, innsjøar, fjordar, kystområde og førekomstar av grunnvatn. Totalt er 600 vassførekomstar undersøkt.

Kartlegginga er første del av arbeidet med å undersøkje miljøstatusen for norske vassførekomstar i samsvar med EUs rammedirektiv for vatn.

Røynsla frå desse områda skal brukast når dei resterande omkring 250 norske vassområda skal karakteriserast. Dette arbeidet startar hausten 2004.

Direktivets mål skal vere nådd innan 2015. Noreg er forplikta til å innføre direktivet av di vi er medlem av EØS.

Du finn meir om karakteriseringa av dei åtte vassdraga og generell informasjon om vassdirektivet på nettsida til Statens forureiningstilsyn.