Rømming av torsk i Nordfjord

Det er selskapet Norsk Marin Fisk AS som i dag varsla om tapet av fisken frå eit anlegg ved lokaliteten Isane i Nordfjord.

Røminga har truleg skjedd for om lag ein månad sidan. Selskapet melde i det tidsrommet frå om at fritidsfiskarar fiska oppdrettstorsk i eit område nær lokaliteten.

Dykkarinspeksjon
Selskapet hadde den gongen dykkarinspeksjon på anlegget, men skal ikkje har fått tilbakemelding om observasjonar av hol i nøtene eller om reparasjonar.

Det vert no opplyst at det likevel har vore hol som vart reparert, men at dette ved eit misstak ikkje vart ført i dykkerrapporten.

Ønskjer framleis meldingar
- Opplysningane vi no har fått forklarer truleg meldingane om rømt oppdrettstorsk i området dei siste vekene. Fiskeridirektoratet er likevel framleis interessert i meldingar om oppdrettstorsk i Nordfjord, seier regiondirektør Hans Cato Haddal ved Fiskeridirektoratet region vest..

Meldingar kan sendast per e-post eller varslast på vår døgnbemanna beredskapstelefon 03415.