Møte om opprydding i næringa

Akvakulturnæringa er avhengig av positive haldningar til oppdrettsverksemd og eit godt omdømme både i forvaltninga, blant politikarar og allmenta. Derfor er det mellom anna viktig at næringa rydder opp og satsar på gjenvinning.

Det finst to prosjekt som kan medverka til dette: «Hold oppdrettsnorge rent» og «Kystens returordninger - retursystemer for fiskeredskap i plast».

Det er desse to prosjekta som under Aqua Nor-messa i år arrangerer eit ope møte om opprydding i akvakulturnæringa og retursystem for fiskereiskap og oppdrettsutstyr onsdag 15. august klokka 15 til 17 hjå Norges Fiskarlag i Pir-senteret i Trondheim.

Meir informasjon om prosjekta finn du på www.kystretur.no og i invitasjonen til møtet.